Gjatë intervistës në emisionin “Ky emër nuk ka nevojë për prezantim”, këngëtari i mirënjohur Naim Abazi tregoi për një nga momentet më të vështira të jetës së tij, shkruan OnAir.
Bëhet fjalë për vitin 1996 pasi në atë periudhë ai dyshonte se kishte kancer. Këtë dyshim ia përforcuan edhe disa nga profesorët e tij në fakultetin e mjekësisë. Për këtë arsye Naimi iu nënshtrua një operacioni. Pas këtij operacioni dyshimet se ai kishte kancer u pakësuan, por ai ende nuk ndjehej i qetë teksa priste të merrte një përgjigje përfundimtare për analizat që kishte bërë.
Gjithashtu gjatë kësaj periudhe që ai dyshonte për këtë sëmundje, miqtë dhe kolegët e tij përpiqeshin ti jepnin zemër.
Po ashtu, Naimi tregon se ndonëse ka qenë një periudhë mjaft e vështirë për të, familja e tij e ka vuajtur më së shumti.
