Sipas të dhënave të fundit të Agjencisë së Statistikave të Kosovës, të përmbledhura në raportin “Popullsia e Kosovës 2017”, numri i atyre që e kanë lëshuar Kosovën vitin e kaluar është 11 mijë e 263 persona.
“Emigrimi ndërkombëtar: numri i emigrantëve kosovarë gjatë vitit 2017 është vlerësuar të jetë gjithsej 11,263 banorë përfshirë emigrantët legalë dhe ata ilegalë”, thotë raporti i ASK-së, përcjell ORAinfo.
Pjesa më e madhe e emigrantëve për vitin 2017, ishin emigrantët legal. Emigrimi legal ishte për shkak të bashkimit familjar, martesave, gjetja e një vendi pune, shpërngulje të përhershme (kryesisht në shtetet fqinjë), studime afatgjata më punësim etj.
Po ashtu, gjatë vitit 2017 një numër i konsiderueshëm emigruan dukë kërkuar azil (aplikuesit për herë të parë) në vendet e BE-së përfshirë vendet e Asociacionit të Tregtisë së Lirë të Evropës (EFTA)-ës.
Përveç vendeve të BE-së dhe EFTA-së një numër i kosovarëve kishte emigruar edhe në vende të tjera kryesisht në SHBA, Kanada dhe vende tjera.