Julen Lopetegui më nuk është trajner i kombëtares spanjolle.
Një ditë para se të startojë kampionati botëror në Rusi, Federata e Futbollit të Spanjës ka shkarkuar trajnerin që nënshkroi ditën e djeshme me Real Madridin.
“Ne nuk ndjehemi të tradhtuar, por problemi është se si kanë rrjedhur gjërat duke neglizhuar krejtësisht Federatën Spanjolle të Futbollit. Kjo është diçka që nuk mund të tolerohet”.
“Ne e falënderojmë Julenin për gjithçka që ka bërë, sepse ai është një nga njerëzit më meritor për pjesëmarrjen në botërorin e Rusisë, por ne jemi të detyruar ta shkarkojmë atë”.
“Duhet të japim një mesazh të qartë për të gjithë punonjësit e Federatës spanjolle se ka disa forma të veprimit që duhet të përmbushen dhe nuk duhet të shkelen”, thuhet në njoftimin e Federatës së Spanjës.
Theksojmë se kjo e fundit gjendet në B së bashku me Portugalinë, me të cilën do të luajë të premten (15 qershor), Marokun dhe Iranin.