Arjen Robben nuk mendonte se do të ishte me Bayern Munichun për një dekadë, por ndërsa ai i afrohet një sezoni tjetër me kampionët e Bundesligas, ylli beson se bashkimi me klubin gjerman ishte vendimi më i mirë i karrierës së tij.
Robben u ngjit në Eredivisie me Groningenin si një adoleshent para se të transferohej në PSV në vitin 2002. Kjo u pasua nga transferimi në Chelsea në 2004, ku fitoi dy tituj të Ligës Premier, një FA Cup dhe dy Kupa të Ligës me Blutë.
“Jo, unë nuk mendova kështu”, ka thënë fillimisht Robben për faqen zyrtare të Bayern Munichut kur u pyet nëse ai mendonte se do të qëndronte me klubin kaq gjatë.
“Unë jam gjithmonë realist dhe e di se bota e futbollit është e shpejtë. Mund të ketë qenë ndryshe “.
“Pas debutimit tim si një profesionist te Groningen, shkova në Eindhoven për dy vjet. Ishte një hap i madh për mua në Holandë: të largohesha nga shtëpia në moshën 18 vjeçare”.
“Unë shkova pastaj jashtë vendit kur isha 20 vjeç. Kalova tre vjet në Chelsea, një klub i madh. Pastaj dy vjet në Madrid, te Reali”.
“Pastaj Bayern më afrohej dhe unë vendosa. Unë kam qenë skeptik në fillim, nuk e dija nëse ishte vendimi i duhur. Tani mund të them: ishte vendimi më i mirë në karrierën time”, përfundoi ylli holandez